حدوته قبل النوم صيام رمضان 2024 قصص اطفال لشهر رمضان
حدوته قبل النوم صيام رمضان هي حدوته خاصة بالأطفال وهي تتحدث عن شهر رمضان وصيام شهر رمضان بطريقة قصة طريفة ومفيدة للأطفال ومناسبة هذه القصة أثناء النوم للأطفال.
حدوته قبل النوم : قصة اطفال شهر رمضان 2024 من القصص الجميلة والرائعة والمفيدة والتوعوية للأطفال وكمان يمكن ان تكون للكبار سواء اطفال او بنات او كبار شباب.
سألت روان مامتها وباباها .. هو انتم كنتوا بتصوموا وانتم صغيرين؟ ..😏😏 ردت مامتها وقالت لها .. أيوة يا روان … 😔😔 أنا مامتي بدأت تعودني إني أصوم من وأنا عندي 6 سنوات .🙅🙅. كانت بتخليني أصوم لحد العصر مثلاً
و السنة اللي بعدها لما كبرت شوية بقيت بصوم لحد آذان المغرب .. بس المفروض الأطفال تصوم من وهما عندهم 10 سنوات .. 😊😊سألتهم روان .. طيب يا ماما إحنا لازم يعني نصوم؟ .. قالتلها طبعا يا روان ….😯😯 الصوم ركن من أركان الإسلام .. يعني أمر من أوامر ربنا و لازم ننفذها.
سألت روان.. طيب و هو ربنا أمرنا بالصيام ليه بقي؟ رد باباها .. بصي يا روان ..😌😌 ربنا أمرنا إننا نصوم يعني نمتنع عن الأكل و الشرب من ساعة آذان الفجر لحد آذان المغرب .
. علشان نحس بالفقراء والمساكين اللي معندهمش فلوس يجيبوا أكل …..😲😲😲فنحمد ربنا علي نعمة إننا عندنا أكل وشرب ونساعدهم هما كمان ونديلهم اللي نقدر عليه.
كملت مامتها الكلام و قالتلها .. وعلى فكرة ..إحنا في شهر رمضان الكريم مش بنصوم بس عن الأكل والشرب .😶😶. إحنا كمان بنصوم ونمتنع عن كل الحاجات الوحشة والصفات اللي مش كويسة اللي ممكن نغلط ونعملها في الأيام العادية😒😒 .. زي الكذب أو إننا نقول ألفاظ مش كويسة .
. ونحاول نقرأ في المصحف الشريف على قد ما نقدر .. وده لأن في شهر رمضان ربنا يضاعف الأجر .😦😦. استغربت روان وسألت مامتها ..😥😥 يعني إيه يا ماما بيضاعف الأجر؟ قالت لها يعني أي حاجة حلوة أو تصرف كويس نعمله ربنا بيدي لنا عليه ثواب كتير أوي.
اتحمست روان جداً وطلبت من باباها ومامتها إنها تبدأ صيام من السنة دي ..😩😩 هي خلاص بقي عندها 7 سنوات .. مامتها قالتلها ماشى يا روان بس المهم تتسحر و تاكلي كويس ..😦😦 وفي أول يوم من شهر رمضان .. قرب آذان العصر .
. دخلت روان علي مامتها في المطبخ و هي تعبانة جداً وقالتلها يا ماما أنا هموت من الجوع ومن العطش .😢😢. ردت مامتها معلش يا حبيبتي الصوم فعلا بيبقي متعب لكن أجرة عند ربنا ثوابات كتيير أوي .. طيب بصي يا روان ..
إحنا ممكن نبدأ النهاردة بالصيام لحد آذان العصر بس وكل يوم مثلاً نزود حبه….😐😐 لحد ما تتعودي وإن شاء الله من السنة الجاية تكوني كبرتي شوية وتصومي لحد آذان المغرب.
فرحت أوي روان بالفكرة دي….😊😊 وجريت مسكت كوباية المياه عشان تشرب أول ما سمعت آذان العصر بيقول الله أكبر .. وقفتها مامتها وقالت لها .👵👵. استني ثواني يا روان .. بصي يا روان في دعاء لازم نقوله لما نيجي نفطر ..
قالت لها .. هو ايه يا ماما الدعاء دة .. ردت مامتها .. قولي ورايا كده ..😊😊 اللهم اني لك صمت و علي رزقك افطرت.ذهب الظمأ و ابتلت العروق وثبت الاجر ياواسع الفضل.. ادعي واطلبي من ربنا أي حاجة نفسك فيها وإن شاء الله ربنا يحققها لك😉😉
.. فطرت روان وكانت فرحانة أوي حسيت أنها عملت حاجه حلوة أوي لما صامت لحد آذان العصر .. 😄😄وقالت لنفسها أنا لازم أقول لكل أصحابي أنهم يصوموا هما كمان.. علشان نأخد كلنا ثوابات كتير وندخل الجنة مع بعض.💐💐💐
ولما جه باباها من الشغل وعرف أنها صامت لحد آذان العصر .. قال لمامتها .🙇🙇. إحنا لازم نشجعه نكافئها علشان بدأت تصوم .. مامتها قالت لها عندك حق بس إزاي .👍👍.
قالها أنا جات لي فكرة إحنا ممكن نشوف إيه أكتر الحاجات الحلوة اللي بتحبها أو نفسها فيها ..😶😶 ونكتبها في ورق صغير ونطبقهم .
. ونحط الورق دة في علبه مثلا واليوم اللي تصوم فيه روان نخليها تحط إيدها في العلبة دي….😍😍 وتسحب ورقة والحاجة إللي مكتوبة في الورقة تبقي هي المكافأه بتاعتها في اليوم دة علي صيامها ..
عجبت مامتها الفكرة أوي وقالتلوا ماشي يلا ننفذها .. 😁😁روان فرحت أوي إن باباها ومامتها فكروا إزاي يشجعوها علي الصوم بالفكرة الجميلة دي …..😊😊 ومن ساعتها وهي كل يوم بقت تصوم لحد آذان المغرب زي الكبار بالظبط.
و توتة توتة خلصت الحدوتة
خلوا اولادكم يجاوبوا علي الاسئلة دي:
1-الصوم ركن من اركان الإسلام(✔️/❌)
2-الحكمة من الصوم اننا نخس و نبقي رفيعين (✔️/❌)
3-الصيام معناه اننا نبطل اكلو شرب بس (✔️/❌)
4-لو عندنا ست سنينممكن نتدرب بالصوم لحد العصر مثلا(✔️/❌)
5-بابا روان و مامتها شجعوها و كفأوها علشان صامت ( ✔️/❌)
مقالات ذات صلة:
