تعلم اللغة الانجليزية بسهوله بدون معلم

LSG-alraih2014-05-23اخر تحديث : 2024-10-13

0 531 دقيقة واحدة

مرحباً بالجميع في موقعكم الصفحة حيث نقدم لكم اليوم طريقة وكيفية تعلم اللغة الانجليزية بسهوله بدون معلم وبخطوات يمكنك اتباعها لكي تستطيع ان تتحدث اللغة الانجليزية بسهولة تامة.

تعلم اللغة الانجليزية بسهوله بدون معلم

1. كل يوم الصبح إفتح النت وإقرأ مقال بالإنجليزى عن المجال اللى إنت بتشتغل فيه أو أي شئ ، حاول تفهم كل كلمة فيه وتركز فى المصطلحات اللى فى المقال ده. إعمل الموضوع ده بإنتظام لمدة شهرين، بعد ما الشهرين دول يخلصوا هتلاقى نفسك أولًا الإنجليزى بتاعك إتحسن كتير جداً عن الأول وبقى عندك علم بالمصطلحات وطريقة تكوين الجمل والكتابة وحاجات كتير، وكمان هتلاقى عندك كم معلومات كويس جدًا عن المجال اللى بتشتغل فيه.

2. بعد الشهرين دول، إبدأ إتفرج على محاضرات بالإنجليزى، أو أفلام وثائقية، وحاول تفهم الكلام من غير ما تقرأ الترجمة، بس بردو خلى الترجمة معاك عشان لو وقفت فى حاجة. بكدة هتبدأ تتعود على فهم اللغة بالسمع مش بس بالكتابة. إسمع كل يوم نص ساعة حتى، وبردو إعمل الخطوة دى بإنتظام لمدة شهرين.

3. بعد كدة إبدأ اتفرج على محاضرات وأفلام من غير ترجمة، طبعًا هتحس شوية فى الأول إنك بتبذل مجهود لإنك مش متعود بس بعد شوية هتلاقى الموضوع بقى بسيط جدًا بالنسبة لك.

4. بعد كدة لازم تبدأ تمارس اللغة مع ناس بتتكلمها كويس، فيه بعض المراكز الثقافية التابعة للسفارات بتعمل جلسات نقاش بالإنجليزى، حاول تشارك فيها أو على الأقل احرص انك تسمع أي افلام وثائقية أو افلام عادية بالإنجليزي بحيث الممارسة تبقى علطول فى حياتك وتتحسن باستمرار ..

وأخيرًا، اللى عايز يتعلم حاجة بيتعلمها، المهم بس متكسلش !
اللينكات دي بقي فيها حاجات ممكن تساعدك

ده لينك علي جوجل درايف هتلاقي فيه كل اللي انت عايزه سواء فيديوهات او تويفل او مقالات او محادثات من اول الصفر لحد الاحتراف .. اكثر من رائع

وده موقع رائع جدا

وده هتلاقي فيه افضل الكتب والمراجع بتحميل مباشر و سهل ..

ده هتلاقو فيه 100 فيديو لاحدث العلوم اللي وصلها الغرب ..
الفيديوهات دي مترجمة الكلام بالعربي وبالانجليزي .. الفيديو من 5 الي 20 دقيقه ..